--------
转自 http://www.chinakolau.com/wordpress/?p=649
以下是根據youtube的短片打出來的，當中主要是陳一諤被報章批評的言論，我覺得有一定參考價值，所以把它打出來，之後再作討論。（由於時間問題，而且討論的重心主要在於陳氏的發言，所以我只會打下陳一諤的發言，如果大家想看完整版，可自行到youtube查閱）。
我一直都好有研究，或者我都好希望研究究竟點樣可以令到成個平反六四或者平反八九民運去有一個突破或者係令到真係可以對成個香港或者係對成個中華民族有一個正面嘅影響嘅。
平反六四或者平反八九民運嘅意義其實可以從兩個角度嚟睇：第一個就係從香港嘅角度嚟睇，第二個就係從呢個中國國內嘅情況嚟睇。點解我頭先一直強調一 個核心，係好想強調，一直都強調緊，就係喺平反八九民運，平反六四，應該著重佢嘅本質。運動發起嘅原因係正如頭先程翔先生講係學生見到國內有好多問題，覺 得喺社會上有啲不公義嘅或者有啲腐壞嘅，腐敗嘅情況下佢哋敢站出嚟去講嘢。佢敢去了解，敢去為真相去爭取。
喺香港嘅意義，呢點係重要嘅，因為點解我哋香港嘅社會，我哋成日好多社會嘅大眾去批評我哋香港嘅人淨係顧住搵錢，淨係掛住股票嘅升跌呀，或者係掛住 自己嘅工作，而失去咗關心社會嘅之情。係因為好多時候都缺乏咗八九年學生站出嚟嗰種關心社會嗰個精神。所以，趁住呢個六四嘅二十年，六四鎮壓嘅二十年，或 者八九民運喺呢個2009年嘅時代意義，喺香港呢個地域性裡面嘅呢個時代意義，應該係著重於我哋點樣先可能可以好似當初嘅學生咁樣，敢為社會、佢自己相信 嘅、敢為社會嘅不公、敢去企出嚟站出嚟去肩負社會嘅責任？呢啲都係重要嘅。
從呢個中國國內情況嚟睇係點呢？咁我未必係為呢個中央政府講嘢，但係如果有一日六四真係平反嘞，佢係標誌住一個叫做政治改革嘅一個笛頭。咁其實如果 從政府嘅角度嚟睇，我哋明白到中華人民共和國頭三十年，佢哋係好多時間，或者好多精力，或者好多心機都花喺政治鬥爭之上。1978年之後改革開放，鄧小平 係希望透過經濟嘅改革、經濟嘅繁榮去改善當初嘅人民生活。我覺得，如果我哋中央政府嘅官員，或者國內嘅人民，或者香港嘅市民真係認定咗六四係一定會平反 嘅，佢一定會平反。但係嗰個大前提，或者係嗰個方向係農村改革嘅成功令到中國唔係小部份富起嚟，係可以令中國嘅財富帶去九億嘅農民身上，令到佢哋生活嘅水 平有一定程度，令到中國有一個經濟嘅基礎之下，政治改革係一定會隨之而嚟嘅。可能，中國政府係有個藍圖，佢哋係講出2020年，2025年定2020年， 具體情況唔記得咗。2025年初步達到小康嘅階段。2049年，呢個建國一百周年，去到達成一個呢個叫做社會民主嘅中國。我相信呢個時間表可能係太長，但 係我相信有一日，只要國內嘅人民喺可以享受一定程度嘅經濟素質之下，政治改革係一定隨之而嚟嘅。因為只有先進嘅，我哋中國四個現代化，第五個現代化一定係 政治現代化，只有政治現代化先可以配合番當初，或者係相對程度嘅經濟水準，令到經濟繁榮可以持續落去。
同學，如果我哋要關心社會嘅話，我哋首先要敢問、敢提出自己嘅意見、敢提出你嘅睇法，如果個個香港市民都願意提出佢對普選，佢對六四嘅立場嘅話，呢 個香港先會有一個新嘅希望。咁所以問問題呢，大家唔駛太過守規矩，積極去問，無論係內地同學、本港同學，俾佢哋見識到我哋香港大學嘅同學問問題係有深度、 有水準嘅。
（同學問及民主牆有人指出學生領袖在事發前逃走，令其痛心。）
回應返David嘅問題，咁我係講緊我嘅觀點嘅，咁每個同學每個人都應該有佢表達立場嘅機會，我哋應該尊重佢哋嘅意見。是其所是，非其所非。咁我 哋，頭先我哋一直都強調，呢個八九民運，佢嘅本質應該係愛國，應該係關心番家國，關心番社會，指出社會問題。但係我哋有一點係要認識嘅，八九民運，佢嘅事 情，佢嘅開始由四月當初由胡耀邦逝世到學生紀念胡耀邦，到慢慢開始佢嘅運動係一日……自從絕食之後，佢嘅本質亦都喺度一日一日咁改變緊。咁呢一點王丹都指 出過嘅。咁我想指出嘅就係，我哋去講平反八九民運，我哋去講平反六四，我哋有個基礎。就呢件事嚟講，我哋有個基礎，就係首先，香港嘅同學，或者係國內嘅同 學，應該無論個意見喺邊個表達，我哋應該盡量去認識，盡量去明白成個運動嗰個轉變。當我哋明白到成個運動嘅轉變，我哋會明白到兩點。第一點，呢個運動嘅本 質一定係關心社會嘅，關心國家，關心民族嘅。呢一點，只要我哋有個肯定嘅話，我哋就會贊成去平反八九民運。第二點就係，如果我哋要真正，有機會平反到八九 民運，我哋要好似大前提咁所講，我哋要將每一個責任，每一個責任分得好清楚。究竟柴玲，你頭先話嗰個走佬嗰個學生領袖，係嘞。阿柴玲佢當初點解會有咁嘅說 話，或者點解佢會反對王丹喺五月三十號去解散啲學生，去和平散去呢？如果五月三十號，學生領袖或者學生群係真係可以和平散去嘅話，咁六四呢件事件係咪可以 避免呢？當然，我哋明白到，中央政府可能喺呢個鎮壓上面係嘅手法上面係有問題嘅。但係同時明白到，好多悲劇係可以透過理性嘅方法去解決到嘅。但係點解唔可 以用理性嘅手段去解決到呢？咁就係關乎學生領袖究竟佢係咪真係有佢私心嘅存在，究竟係咪真係有其他嘅勢力影響之下，令到佢作出呢個唔應該有嘅決定呢？當初 柴玲喺個……如果大家有睇過《天安門》呢套紀錄片嘅話，柴玲係講過天安門或者八九民運係一定要用鮮血嚟結束嘅，一定要由血嘅結束，但係最荒謬嘅嘢就係佢唔 係用自己嘅血。如果佢係覺得八九民運為咗爭取到一樣堅持嘅嘢，係要流血嘅。當日有乜鎮壓嘅情況，佢要有乜行動嘅話，流嘅血一定第一個係自己。但係佢係用其 他人嘅血去結束呢個民運。所以呢一點，我哋講平反八九民運嘅話，我哋一定要唔單止矛頭喺指向中央政府，我哋仲要明白到呢個細節有邊個錯。呢個唔係政治立場 嘅問題，呢個係是其所是，非其所非嘅問題。唔該晒。
（劉慧卿認為陳一諤指中央政府「有啲問題」是不當的，因為中央的問題不止「有啲」。）
我想回應劉議員嘅發言嘅。咁頭先劉議員話我喺講咗話六四鎮壓嗰度中央係有啲問題。我講嘅問題唔係否認鎮壓嗰個錯誤。鎮壓本身係一個唔好嘅手段，係一 個血腥嘅手段，我哋要認同。問題係，我指有啲問題嘅意思係可能會有其他方法會好過鎮壓，但係可能當時中央政府諗唔到。但係我想同時講出，點解會選擇鎮壓嘅 呢種手法係因為當時嗰個成個國家嗰個情況，係唔單止……八九民運可能好多同學缺乏咗認識。八九民運雖然天安門喺成個高潮或者焦點嘅所在，但係成個嗰個運動 係唔局限於嗰個北京嘅，而係局限喺其他社會嘅地方，例如有啲交通嘅問題呀等等等等，都係有學生去支持呢個罷課呀。成個國家係有一個動亂嘅情況，唔係動亂， 係一個混亂嘅情況喺度嘅。咁我相信我哋喺一個文明嘅社會，無論點樣講，我哋都可能會認為鎮壓係唔係一個絕對恰當嘅手段。但係如果我哋真係可能要平反到八九 民運、平反六四，首先我重申程翔先生或者同意劉議員講，我哋需要嘅係一個辯論，我哋需要係咁多同學參予，咁去問問題，去了解番成件事究竟邊個係真相，邊個 係大家所相信嘅嘢。咁但係我哋首先要建基於一個理性嘅分析，所以好多同學，我而家唔係幫內地嘅同學講說話，雖然佢哋可能唔識用Microsoft Word將文字轉成繁體字，但係我哋唔好因為佢哋係簡體字嘅開係，所以就覺得內地同學諗嘅嘢一定係錯嘅。咁內地嘅同學你哋出嚟問問題，我哋都好希望你哋可 以表達到你哋嘅意見。
（同學質疑六四資料的真實性，及提問國家維治法律有何過錯。）
……（Clip片問題，此句前幾個字被剪掉）講出自己嘅意見，民主牆回應，我哋可能會加大個民主牆。好喇，咁回應第一個問題先，咁大家同學，如果你 提出咁嘅問題呢，可能會步咗馬力嘅後塵。馬力所講嘅說話，受到好大嘅批評嘅，就係如果你話坦克車車過人嘅話，你攞隻豬去做實驗，去睇吓會唔會有個豬樣，或 者係等等等等。咁我承認一點嘅就係，真相係愈辯愈明嘅，雖然我哋手頭上嘅資料，喺youtube例如天安門嘅影片呀，或者其他資料入面會有唔同嘅演繹，嗰 段片有人……同一條屍體有人話係解放軍，同一條屍體又有人話佢係平民，究竟嗰條屍體佢係解放軍定係平民呢？我哋唔知道，但係我哋知道一樣嘢，我哋可以透過 討論，可以透過去了解，去明白到究竟邊一方面係有理據嘅。假如劉議員係啱嘅話佢一定會拗贏劉江華議員，假如劉江華議員係啱，佢都一定有機會拗番贏劉議員。 但係呢個一定要大家肯企出嚟表達自己嘅意見。新一代二十世紀，廿一世紀嘅同學係要去關注番呢件事情，去討論番究竟邊個係真係有真理所在嘅。
咁第二個問題，我係有睇過相關嘅文件嘅。咁好簡單一句說話就係，當初中央政府係推出戒嚴令嘅，係戒嚴令推出之後呢，喺街上面任何一啲同外……做一啲 叫做示威或者遊行係錯嘅。錯嘅意思係根據法律佢係違法嘅。但係我想講一樣嘢，一樣嘢合理未必合情。合理嘅意思係佢唔遵守法律，呢樣嘢係我哋明白嘅，但係呢 樣嘢係咪合情理……合情呢？即係究竟係咪可以諒解呢，就係另一個可以討論嘅空間。咁當然啦，每個人有唔同嘅意見，香港同學可以表達意見，大陸嘅同學都可以 表達意見。
以上是陳同學在論壇中的發現，另有一段他在電台接受訪問，對以上發現作出證清的錄音片，那段片我不再打了，如各位覺得有需要，可自行上網尋找（應該也挺易找的）。
評 議 會 施 壓 陳 一 諤 仍 不 認 錯
只 為 影 響 同 學 致 歉 否 認 六 四 言 論 不 理 性
【 本 報訊 】 再 三 因 為 六 四 言 論 而 被 各 界 狂 轟 的 香 港 大 學 學 生 會 會 長 陳 一 諤 ， 日 前 死 撐 自 己沒 有 做 錯 ， 堅 拒 道 歉 及 下 台 ； 負 責 監 察 學 生 會 運 作 的 評 議 會 不 能 容 忍 陳 一 諤 繼 續 影響 港 大 學 生 會 聲 譽 及 對 學 生 造 成 分 化 ， 要 求 他 就 六 四 言 論 公 開 道 歉 ， 否 則 不 排 除 採取 進 一 步 行 動 。 結 果 陳 一 諤 昨 日 就 言 論 對 同 學 帶 來 的 影 響 致 歉 ， 而 非 就 其 六 四 歪 論道 歉 ， 並 否 認 言 論 不 理 性 。 記 者 ： 許 偉 賢 、 莫 劍 弦
港大 學 生 會 評 議 會 昨 午 召 開 緊 急 會 議 討 論 陳 一 諤 事 件 ， 大 多 數 與 會 者 對 陳 的 六 四 言 論， 例 如 以 「 有 啲 問 題 」 形 容 中 共 鎮 壓 行 動 深 表 不 滿 ， 認 為 陳 有 損 學 生 會 聲 譽 ； 他 又反 覆 區 別 本 地 生 及 內 地 生 對 六 四 持 不 同 立 場 ， 造 成 學 生 之 間 的 分 化 ， 因 此 在 大 比 數贊 成 票 下 通 過 對 他 深 表 遺 憾 ， 更 要 求 他 就 不 當 言 行 公 開 道 歉 。
有 損 學 生 會 聲 譽
評議 會 署 理 會 長 霍 俊 杰 接 受 查 詢 時 表 示 ， 陳 一 諤 日 前 仍 堅 持 自 己 言 論 沒 有 錯 ， 令 評 議會 不 得 不 召 開 緊 急 會 議 跟 進 ， 並 通 過 要 他 發 表 公 開 聲 明 ， 為 有 損 港 大 學 生 會 聲 譽 道歉 ， 否 則 不 排 除 採 取 進 一 步 行 動 。
日 前 堅 稱 沒 有 錯 便 不 用 道 歉 的 陳 一 諤 昨 天未 有 回 覆 本 報 查 詢 ， 但 他 接 受 其 他 傳 媒 訪 問 時 表 示 ， 對 同 學 因 其 六 四 言 論 受 影 響 致歉 ， 希 望 事 件 盡 快 了 結 。 他 指 挑 戰 傳 統 價 值 一 定 受 阻 撓 ， 期 望 社 會 容 納 不 同 聲 音 ，澄 清 無 意 批 評 六 四 學 運 領 袖 及 淡 化 中 央 在 六 四 事 件 的 責 任 ， 但 否 認 言 論 不 理 性 。
罷 免 會 長 不 容 易
據了 解 ， 評 議 會 及 幹 事 會 要 罷 免 陳 一 諤 會 長 職 務 並 不 容 易 ， 除 了 要 有 300 名 港 大 學 生聯 名 動 議 外 ， 還 要 召 開 全 民 大 會 ， 因 此 未 必 可 以 在 短 期 內 成 事 。
在 六 四 事 件 發 生 後 三 個 月 才 出 生 的 中 大 學 生 會 外 務 副 會 長 范 長 豐 ， 昨 天 則 在 一 公 開 活 動 中 呼 籲 年 輕 人 以 不 同 途 徑 了 解 六 四 真 相 。（《苹果日报》）
六四言論出位 面臨罷免
「惹火」會長︰反思無罪
香港大學學生會一連三日的「六四公投」今日踏入最後一天，當初有份參與公投議題討論的學生會會長陳一諤，由參選至上任，點起一個個火頭，政治風波越 起越大，先被質疑是隱形左派，共青團成員，更傳他與共產黨，中聯辦關係密切，其後他又失言評論北京當年鎮壓八九學運只是有點問題，並指柴玲是走佬學生領 袖，一連串的是是非非，令他由一名普通大一學生，搖身變成惹火人物。不過，這個惹火小子，接受訪問時卻表明無懼抨擊，堅持反思無罪，更阿Q地說，即使面臨 被罷免，亦只是體現民主精神。
生於一九八九年三月的陳一諤，在六四事件發生時是一個隻懂吃喝睡拉的嬰兒，父母是土生土長的香港人，自小在香港出生長大接受教育，即使滿天「左仔」 流言「似層層」，他仍氣定神閒地強調自己背景「清白」，全家與共產黨無關，「我只是一個普通的香港大學生而已。」但他坦言︰「我承認我很愛國家，很喜歡中 華文化，但愛國不等於就是左派分子。」
自認愛國
不認左派
在中學時代，陳一諤對六四事件只是略有所聞，「中五之前，我是個無心向學的學生，最愛搞搞震，是校內的反動分子，平時打遊戲機動輒便是十二三小時， 又會在街上識女仔，更會與人打架，初中化學、數學科全不合格，唯獨對中國歷史、中國文學科感興趣，直至中五才發憤讀書。」結果會考獲廿八分。高中時，他醒 覺玩樂不能帶來滿足感，加上受到學校老師薰陶，令他明易為人群服務才能得到最大喜悅，於是立志要「拯救地球」。聽起來像是傻話，佐他卻說是他的最高理想， 「要達成理想先要裝備自己，所以開始發憤讀書，留意時事，亦從那時起主動認識六四事件。」紀錄片、書籍、網上討論區資訊都是他認識六四事件的管道，的確， 接受訪問時，他亦是歷史書不離身。
有人質疑陳一諤沒有親歷過六四，永遠不會知道歷史真相，無權作出評論，他亦直言在过去二十年从未參與任何紀念六四活動，但他認為：「沒有經歷過六四 事件，今我對六四有一種不完美，但正因這個不完美，讓我對六四不會有先入為主的立場，主觀感情亦傾向中立，有更多空間吸收對六四事件的不同觀點。」他指， 若社會相信平反六四能薪火相傳，便應該接受下一代如他，只能從歷史紀錄去認識六四。
從「宏觀」看六四事件是陳一諤參選的政綱，也是他近日就自己對六四事件「失言」所作的解畫，不論這是否他對六四事件參透，堅持己見卻讓他續受「千夫 所指」，「我承認表達對六四事件意見時，在表達技巧上未夠成熟，解釋不夠清晰，只是將心想到的意見衝口而出，結果釀成風波，但若重新給我機會，我仍會選擇 如實說出我的想法，因為我相信我的意見是客觀無誤。」
無意將責任指向柴玲
陳唯一想澄清的是，從來沒意圖淡化北京六四鎮壓學生的歷史，「平反六四是道德上的堅持，當的北京鎮壓學生確是暴行，為學生討回公義是我們要做的事。 從歷史角度看，人只站在一點上看歷史，往往不能看得通透，正如過去有關六四的討論只著眼於為學生平反這一點上，忽略了整個八九學運背後的意義，我提出的宏 觀看法，其實是冀大家能夠從學運本質出發進行反思，思考學生發起學運的本意，宣揚愛國情懷，但這種提倡非要反對平反六，兩者本無衝突，但我一說卻被狂 插。」
然而他承認，點名指責學運領袖柴玲「走佬」對她實屬不公，「當時有學生提及，對有學運領袖在八九學運時提早離開感到失望，我即時想到柴玲，然後衝口 而點出了她的名，我無意將責任矛頭轉向她，或為北京開脫。事實上當時的學生領袖各有立場，有些希望與中共溝通對話，有些較為激進，主張絕食、以身體擋坦克 子彈，也有些希望盡快結束運動，若學生當年能夠團結一致，八九學運或會有不同的結果，我是想帶出在學運中團結的重要，沒想到產生誤會。」
批評聲響徹仍忠於己
成為風波中的主角，陳一諤被批評之聲包圍，「大學民主牆由我參選開始，變得很多人留意，上面九成的意見跟我有關，即使是鬧多過支持，但我仍每日看， 然後一笑置之。」他表示，走在校園，支持他的人會跟他說加油、畀心機，反對他的人會眼望望然後去簽名，「只要我是憑良心做事，我仍會忠於自己。」
雖然上任以來招來不少非議，什至面臨被罷免，但他彷彿很看得開: 「我是由民主選舉旗卞來的，倘同學不認同我，我很鼓勵大家簽名罷免我，這也是民主過程，如真能罷免我，亦證明這個機制非常可行。」陳笑著說。（《星岛日报》）
Notice of General Polling on the dismissal from duties of the President of HKUSU, Session 2009
The HKUSU Council received request for General Polling from 4 Union full members on 14 April 2009. 392 signatures from seconders were received in accordance with the required minimum number of Union full members (3%) stated in Union Constitution Section V. The Union Council has subsequently approved the following motion to be moved by General Polling:
Motion that to dismiss CHAN Yi Ngok, Ayo (UID:2008263517) from the duties of President, HKUSU, Session 2009
動議罷免陳一諤(UID:2008263517) 二零零九年度香港大學學生會會長之職務
Proposers:
CHAN Shing Kit (MBBS II)
LUK Chun Wa (MBBS II)
WONG Lok Yu (MBBS II)
CHAN Chi Wai (MBBS III)
The details of the General Polling are as follows:
Date: 22nd – 24th April 2009
Time: 10:30 – 17:30
没有评论:
发表评论